Journey to the end... Destinations are few...

Chand Saanse khareedne k liye thodi Zindagi bechi,
Ussay paane k liye humne apni Khushi bechi,
Jasbaaton ko rok na paaye, rukh hawaon ka mod na paaye,
Jab bhie sawera hua, Hum unhe Khoj na paaye!!!!

Kitne Sapne tujh sang jiney k dekhe maine,
Saare wo saare dhundle sapne,
Har kaali raat mein,
Din mein aankhon mein,
Subah subah parindon ki aawajon mein,
Har shyam k mahakte jazbaaton mein.

Tujhe chaadar ki tarah ode,
Mausam ki har barsaaton mein,
Kadakti sardiyon ki raaton mein,
Ujle suraj k har takarar mein,

Saanso mein saanse ghole,
Baahon mein baahen dole,
Ankhon ki ankahee kitni baaton mein,
Lab par beechi kitni muskurahaton mein,
Tere chunay k har ehsaas mein.

Har wo sapne kehte hain,
Aaj phir wo sapne sapne rehte hain,
Phir se tujhe muskurate dekhte hain,
Phir se tujhe in aankhon mein,
Phir se tujhe in baanhon mein,
Phir se mausam ki tanhaiyon mein,
Phir se suni raaton ki khwahison mein.

Kitne sapne jaane dekhe maine,
Har wo sapne sapne rehte hain,
Saanso ko aaj phir roke hain,
Ankhon mein aansu kehte hain,
Phir se aaj teri kami hai,
Phir se aaj zindagi thehri hai,
Phir se khusiyan dur khadi hai,
Phir se manjil ab duri hai,
Phir se ruh meri adhuri hai!

Sapne saare phir kehte hain
Sab sapne sapne rehte hain!





Happy Valentine's Day to All and ME offcourse!!!