Journey to the end... Destinations are few...

aa phir se mujhe chhod ke jaane ke liye aa

Kuchh to mere pindaar(1)-e-mohabbat ka bharam rakh
tuu bhee to kabhee mujh ko manaane ke liye aa

Pahale se maraasim(2) na sahee phir bhee kabhee to
rasm-o-rahe duniyaa hee nibhaane ke liye aa

Kis kis ko bataayenge judayi kaa sabab ham
tuu mujh se khafaa hai to zamaane ke liye aa

Ek umra se huun lazzat(3)-e-giriyaa(4) se bhee maharuum
ai raahat-e-jaan mujh ko rulaane ke liye aa

Ab tak dil-e-khush-fahm(5) ko hain tujh se ummiidein
ye aakhirii shamme bhee bujhaane ke liye aa

Maanaa ki muhabbat kaa chhipaanaa hai muhabbat
chupke se kisii roz jataane ke liye aa

Jaise tujhe aate hain na aane ke bahaane
aise hee kisii roz na jaane ke liye aa

Ranjish hi sahi dil hi dukhane ke liye aa
aa phir se mujhe chod ke jaane ke liye aa

maana ki muhabbat ka chupaana hai muhabbat
chupke se kisi roz jataane ke liye aa

Pindaar = Pride

Maraasim = Agreements

Lazzat = Joy

Giriya = Weeping, Crying

Fahm = intellect, understanding